Бид химич \ХХИС-ийн сүлд дуу\

1) Наран цуцах зүгийн мичид орчилдох хязгаараас
Намрын эхэн сард шувуудын ганганаан дундаас
Намхан буурал ээжийнхээ цацлын сүүгээр мялаалгаж
Найрсаг угтсан сургуулийнхаа алтан босгоор алхсан юм
                                             
                                                   Дахилт::
Хүрэх замын оргил бидэнд ойрхон харагдана
Хүслийнхээ төлөө бид үнэнч зүтгэнэ
Хийсэн зүйлээрээ бид бусдыг манлайлнаа
Хамгийн шилдэг мэргэжил, бид химийхэн

2) Цацал өргөсөн ээжүүдийн мяндас цагаан сэтгэлээр
Цалгиж ундарч байдаг эрдмийн их өргөө минь
Цаглашгүй үнэнч сэтгэлээр шинжлэх ухаанд зүтгэдэг
Цагаан халаадаар гэрэлтсэн эрдэмтэн химич багш нар минь
                                                 
                                                 Дахилт:

Хүрэх замын оргил бидэнд ойрхон харагдана
Хүслийнхээ төлөө бид үнэнч зүтгэнэ
Хийсэн зүйлээрээ бид бусдыг манлайлнаа
Хамгийн шилдэг мэргэжил, бид химийхэн



3) Жигүүр ургуулж өгсөн эрдмийн их танхимдаа
Жирийн химич байснаа эргээд нэг санаарай
Жил жилээр алсрах он цагийн урсгалд
Жим нь огт хазайхгүй алтан босготой сургууль минь
                                                     
                                                    Дахилт:

Хүрэх замын оргил бидэнд ойрхон харагдана
Хүслийнхээ төлөө бид үнэнч зүтгэнэ
Хийсэн зүйлээрээ бид бусдыг манлайлнаа
Хамгийн шилдэг мэргэжил, бид химийхэн